Бугун, Ички ишлар бошқармасида вилоят ички ишлар органлари тизимида хизмат олиб бораётган профилактика (катта) инспекторлари билан вилоят ИИБ бошлиғининг ташаббуси ва бевосита иштирокида, тегишли соҳавий хизматлар раҳбарлари ва мутахассис ходимлар томонидан Ўзбекистон Республикаси Вазирлар Маҳкамасининг 2024 йил 30 ноябрь кунидаги “Обод ва хавфсиз маҳалла тамойили асосида маҳаллаларда ижтимоий профилактика тизими самарадорлигини ошириш чора-тадбирлари тўғрисида”ги 801-сонли Қарорининг мазмун моҳияти ва ушбу қарорда белгилаб берилган вазифаларни бажаришнинг механизмлари хусусида ўқув семинар машғулоти ўтказилди.

Машғулотга ҳудудий ички ишлар органлари бошлиқларининг жамоат хавфсизлигини таъминлаш бўйича ўринбосарлари, профилактика катта инспекторлари, криминоген вазияти оғир ҳамда қизил тоифага киритилган маҳаллаларнинг профилактика инспекторлари жалб этилди.

Тингловчиларга қарорнинг ҳар бир банди мазмун моҳияти, ижро қилиш механизми батафсил тушунтирилиб,амалиётда вужудга келаётган муаммоли вазиятлар ҳамда каазуслар юзасидан йўлланган саволларга атрофлича жавоб берилди.

Шунингдек, вилоят ИИБ бошлиғи томонидан “ижтимоий профилактика” тамойили асосида хизматни тўғри ташкиллаштириш, жиноят ва ҳуқуқбузарликлар содир этилишининг олдини олишда замонавий ахборот технологияларидан фойдаланиш, "Рақамлашган, обод ва хавфсиз маҳалла" тамойили асосида маъмурий ҳудудларни замонавий интеллектуал кузатув камералари ва ташвиш тугмалари билан жиҳозлаш, "Қалқон" бошқарув марказига интеграция қилиш бўйича ҳам манзилли топшириқлар берилди.