Ички ишлар вазирлиги ҳамда вилоят Ички ишлар бошқармаси раҳбарияти бошчилигидаги ишчи гуруҳ вакиллари томонидан Бухоро шаҳридаги 32 сонли умумтаълим мактабида ўрганиш ишлари олиб борилди
Ўзбекистон Республикаси Ички ишлар вазири ўринбосарининг 2025 йил 31 март кунидаги тегишли Фармойишига асосан умумий ўрта таълим мактабларига ташкилий ва тарбия-методик жиҳатдан манзилли кўмаклашиш мақсадида ишчи гуруҳи таркиби тасдиқланган эди.
Мазкур ишчи гуруҳ вакиллари ҳудудларда белгиланган чора-тадбирларни сифатли ташкил этилишини ҳамда вилоят Ички ишлар бошқармаси Маънавий-маърифий ишлар ва Кадрлар билан таъминлаш хизмати бошлиқлари масъул этиб белгиланганлиги боис уларга амалий ёрдам кўрсатиш назарда тутилган.
Бухоро вилоятига бириктирилган вазирлик ишчи гуруҳи ҳамда вилоят Ички ишлар бошқармаси мутасаддилари Бухоро шаҳридаги 32 сонли умумтаълим мактабида ўрганиш ишларни олиб боришди.
Жараёнида таълим масканида маъмурий бино, ўқув хоналари, инфратузилмаси бирма-бир кўздан кечирилди.
Дарс жараёнлари ўрганилиб, мактаб масъуллари ҳамда ўқувчилар билан яқиндан суҳбат қурилиб, уларнинг келгусидаги режалари тингланди.
Аниқланган камчилликлар ва муаммоларни бартараф этиш юзасидан масъулларга зарурий кўрсатма топшириқлар берилди.
