Спартакиада мусобақаларида ИИВ Бухоро Академик лицейи жамоаси 2-ўринни қўлга киритди.
Ўзбекистон Республикаси Ички ишлар вазирлигининг 2021 йил 18 февралдаги 25-сонли Фармойишига асосан жорий йилнинг 20-23 апрель кунлари Нукус шаҳрида ўтказилган ИИВ академик лицейлари ўқувчилари ўртасида “Жалолиддин Мангуберди авлодлари” спартакиадасида ИИВ Бухоро академик лицейи жамоаси ҳам фаол иштирок этди.
Айниқса мусобақанинг мини футбол турида дастлаб гуруҳ босқичида ИИВ Фарғона академик лицейи жамоасини 7:4, ИИВ Хоразм академик лицейи жамоасини 7:0, ИИВ Самарқанд академик лицейи жамоасини 5:1 ҳисобида мағлуб этди.
Нимчорак финалда ИИВ Андижон Академик лицейи жамоасини 2:0 хисобида мағлуб этган бўлсалар, чорак финалда ИИВ Жиззах академик лицейи жамоасини 2:1 ҳисобидан ортда қолдириб финал йўлланмасини қўлга киритди.
Финал босқичида мезбон жамоа ИИВ Қорақалпоқ академик лицейи жамоасига 1:2 ҳисобида имкониятни бой бериб фахрли 2- ўринни қўлга киритди.
Мусобақа якунида ИИВ Бухоро Академик лицейи жамоаси Ўзбекистон Республикаси Ички ишлар вазирининг 2-даражали дипломи ҳамда қимматбаҳо совғалари билан тақдирланди.
