Спорт дўстлик элчиси... Минифутбол бўйича ўтказилган ўртоқлик учрашувида Ички ишлар бошқармаси жамоаси ғолибликни қўлга киритди
Бугун, Бухоро вилояти Ички ишлар бошқармаси спорт залида Ички ишлар бошқармаси ҳамда Давлат Солиқ бошқармалари аппарати ходимларидан таркиб топган терма жамоалар ўртасида спортнинг “минифутбол” тури бўйича ўртоқлик учрашуви ўтказилди.
Жамоалар икки бошқарма бошлиқлари Шухрат Алиев ҳамда Шерзод Ашуровлар сардорлигида майдонга тушдилар.
Ҳар бир бўлими 30 дақиқадан иборат икки бўлим давом этган мусобақалар, республика тоифасидаги ҳакамлар томонидан бошқариб борилди.
Қизғин ва муросасиз ўтган мусобақа натижаларига кўра 8:6 ҳисоби билан вилоят Ички ишлар бошқармаси жамоаси ғолибликни қўлга киритди.
Айтиб ўтиш жоизки, вилоятда бундай мусобақа биринчи бор ташкил этилди. Ўйлаймизки, бундай мусобақалар ички ишлар ва давлат солиқ органлари ходимлари ўртасида соғлом турмуш тарзини оммалаштириш, фуқаролар ўртасида кенг тарғиб қилиш, оммавий спортни янада ривожлантириш, шахсий таркибнинг жисмонан соғлом ва ишчанлик қобилиятини оширишда ўзининг ижобий самарасини беради.
