Bugun, Ichki ishlar boshqarmasida boshqarma boshlig‘i podpolkovnik Ikromjon Tursunov, boshqarma boshlig‘ining o‘rinbosarlari, tegishli sohaviy xizmatlar rahbarlari hamda bo‘sh safdor, serjant hamda ofitserlar tarkibidagi lavozimlarga tavsiya etilgan, shuningdek, ichki ishlar organlari safidan turli sabablarga ko‘ra bo‘shatilayotgan xodimlar ishtirokida viloyat ichki ishlar organlarining bo‘sh lavozimlarini munosib kadrlar bilan jamlash maqsadida tayyorlangan shaxsiy tarkib bo‘yicha buyruq loyihasi muhokama qilindi.

Boshqarma boshlig‘i yangi lavozimlarga tayinlangan xodimlar bilan yuzma-yuz muloqot qilib, har bir xodimning galdagi ustuvor vazifalarini belgilab berdi.

Shuningdek, viloyat ichki ishlar organlarida kadrlar siyosatini to‘g‘ri va adolatli olib borish, tizimni xalqchil tuzilmaga, fuqarolarning chinakam himoyachisiga aylantirish, xodimlarni Vatanga va kasbiga sadoqat ruhida tarbiyalash, shaxsiy tarkib o‘rtasida korrupsiogen holatlarga qarshi immunitetni shakllantirish, sohalar kesimida bunga qarshi keskin va ayovsiz kurash olib borish lozimligini qayd etib, masʼullarga bir qator topshiriqlar berdi.

Bundan tashqari, xizmat intizomi va qonunchilik talablarini buzgan har qanday toifadagi masʼul rahbar va xodimlarga nisbatan keskin intizomiy taʼsir choralari qo‘llanilishi qatʼiy belgilanib, har bir holatga favqulodda holat sifatida baho berilishi taʼkidlandi.