O‘quv yig‘ini taqdimoti yuzasidan o‘tkazilgan seminarda Ichki ishlar vazirligi hamda Akademiya masʼullari, Ichki ishlar boshqarmasi boshlig‘i va barcha o‘rinbosarlari, sohaviy xizmatlar rahbarlari va shaxsiy tarkib, hududiy studiyalardan shahar va tumanlar ichki ishlar organlarining to‘liq shaxsiy tarkibi ishtirok etdi.

Dastlab, IIV Akademiyasi maʼmuriy-tashkiliy faoliyat fakulteti boshlig‘i so‘zga chiqib, tuman-shahar ichki ishlar organlari boshliqlarining jinoyatchilik va korrupsiyaga qarshi kurashish, mahalla jinoyatchiligining barvaqt oldini olish hamda energetik xavfsizligini taʼminlash faoliyatini tashkil etishga oid bilimlarini yuksaltirish maqsadida o‘tkaziladigan onlayn o‘quv yig‘ini yuzasidan maʼruza qildi.

Shundan so‘ng, IIV Maʼnaviy-maʼrifiy ishlar va kadrlar bilan taʼminlash departamenti, Tashkiliy-muvofiqlashtirish boshqarmasi boshlig‘i Ichki ishlar organlari xodimlarining jismoniy va jangovar tayyorgarligi, maxsus vositalar, elektroshoker hamda jangovar o‘qotar quroldan foydalanish va ularni to‘g‘ri qo‘llash bo‘yicha o‘tkaziladigan sayyor o‘quv yig‘ini yuzasidan maʼlumotlar taqdim etdi.

Yakunda ushbu o‘quv yig‘inlarini tasdiqlangan grafik asosida namunali o‘tkazish yuzasidan mutasaddilarga tegishli ko‘rsatma va topshiriqlar berildi.