26 Dekabr 2024 yil 1884

Buxoro viloyati hokimi Botir Zaripov boshchiligidagi sektor rahbarlari tomonidan Buxoro shahrida ommaviy sayyor qabul o‘tkazildi

Davlatimiz rahbarining tashabbusi bilan amaliyotga joriy etilgan aholi bilan doimiy muloqot qilish, fuqarolarni qiynayotgan muammolarni hal etishning bunday samarali mexanizmi hududlar infratuzilmasini yaxshilashga, aholi muammolarini hal qilishga xizmat qilmoqda.

Shu maqsadda, Buxoro viloyati hokimi boshchiligidagi sektor rahbarlari markazdan tortib, eng olis hududlarda istiqomat qiluvchi aholining muammolariga yechim topish maqsadida ommaviy sayyor qabullarni o‘tkazib kelmoqdalar.

Bugun Buxoro shahrida joylashgan "Ishga marhamat" monomarkazida o‘tkazilgan ommaviy sayyor qabulda Ichki ishlar boshqarmasi boshlig‘i podpolkovnik Ikromjon Tursunov ham ishtirok etib, aholining sud-huquq, surishtiruv, tergovga qadar tekshiruv hamda tergov harakatlari, shuningdek, 3-sektor hamda ichki ishlar organlarining kundalik faoliyati bilan bog‘liq masalalarda qilingan murojaatlarni birma bir ko‘rib chiqdi.

Asosiy eʼtibor, murojaatlarning joyida tezkorlik bilan hal etilishiga qaratilib, qo‘shimcha o‘rganish va qonuniy qaror qabul qilish uchun ish yurituviga olinganlari yuzasidan tegishli sohaviy xizmatlar rahbarlariga aniq ko‘rsatma va topshiriqlar berdi.

Bu kabi sayyor qabullar tasdiqlangan grafik asosida viloyatning barcha hududlarida davom ettiriladi.

 

Text to speech