Bugungi kunda Buxoro shahrini jinoyat va huquqbuzarliklardan holi bo‘lgan hududga aylantirishga qaratilgan qator manzilli tadbirlar amalga oshirilmoqda.

Jumladan, Buxoro shaxar IIO FMB XQMB masʼul xodimlari tomonidan mahallalarda xotin-qizlar o‘rtasida jinoyat va huquqbuzarliklarning barvaqt oldini olish, oila-turmush doirasidagi nizolarga chek qo‘yish, bunda ayniqsa xotin-qizlarni tazyiq va zo‘ravonliklardan himoya qilish masalasiga alohida e‘tibor qaratilmoqda.

Xotin-qizlarga nisbatan jismoniy, ruhiy, jinsiy yoki iqtisodiy ta‘sir o‘tkazish yoki bunday ta‘sir o‘tkazish choralarini qo‘llash bilan tahdid qilish orqali ularning hayoti, sog‘ligi, jinsiy daxlsizligi, sha‘ni, qadr-qimmati va qonun bilan himoya qilinadigan boshqa huquqlari va erkinliklariga tajovuz qilinadigan g‘ayrihuquqiy harakatlar zo‘ravonlik sifatida baholanib, jabrlanuvchi xotin-qizlar davlat himoyasiga olinib, ularga ichki ishlar organlarining mas‘ul xodimlari tomonidan “Himoya orderi” rasmiylashtirib berilmoqda.

Bundan tashqari Probatsiya hisobida turuvchi hamda ilgari sudlangan xotin-qizlar tomonidan qayta jinoyat sodir etilishini oldini olish maqsadida yakka tartibdagi profilaktik suhbatlar olib borilmoqda.

Bu kabi tadbirlar viloyatning barcha shahar va tumanlarida amalga oshirilib, ichki ishlar organlarining xotin-qizlar bilan ishlash masalalari bo‘yicha masʼul xodimlari tomonidan taalluqli idoralar bilan birgalikda ijobiy natijalarga erishish uchun tuzilgan hamkorlik memorandumlarida nazarda tutilgan io‘shlar izchillik bilan amalga oshirilmoqda.