Oʻzbekiston Respublikasi Prezidentining “Yoshlarning tadbirkorlik faoliyatini qoʻllab-quvvatlash va bandligiga koʻmaklashish, ularni ijtimoiy himoya qilish hamda boʻsh vaqtini mazmunli tashkil etishga oid qoʻshimcha chora-tadbirlar toʻgʻrisida”gi farmoni hamda Oʻzbekiston Respublikasi IIVning koʻrsatmasi ijrosini taʼminlash maqsadida, viloyat ichki ishlar boshqarmasi hamda Oʻzbekiston Respublikasi mudofaaga koʻmaklashuvchi “Vatanparpar” tashkilotining Buxoro viloyati kengashi bilan 2021-yil 11-sentyabr kuni hamkorlik memorandumi imzolandi.

Ushbu Memorandumda nazarda tutilgan vazifalarni amalga oshirish va oʻquv tadbirlarini tashkillashtirish boʻyicha ishchi guruhlar tuzildi.

Memorandumning maqsad va vazifalari xodimlarni vatanga sadoqat va yuksak vatanparvarlik ruxida tarbiyalash va ichki ishlar organlari xodimlarini xizmat zaruratidan kelib chiqib avtomototransport vositalarini boshqarish boʻyicha malakasini oshirish, ommaviy-texnik kasb mutaxassisligiga oʻqitish va ular oʻrtasida yoʻl harakati xavfsizligini taʼminlash, yoʻl transport hodisalarini oldini olish boʻyicha targʻibot-tashviqot tadbirlarini oʻtkazish hamda xodimlarning farzandlarini sportning texnik va amaliy turlari yaʼni, motokross, karting, yozgi biatlon, duatlon, pnevmatik quroldan oʻq otish, modelizm sporti boʻyicha bepul seksiyalar va toʻgaraklarga jalb qilish boʻyicha oʻzaro hamkorlik yoʻlga qoʻyildi.

Bundan tashqari Oʻzbekiston Respublikasi mudofaaga koʻmaklashuvchi “Vatanparvar” tashkiloti va Buxoro viloyati Ichki ishlar boshqarmasi hamkorligida joriy yilning 22-oktyabr kuni “Ichki ishlar organlari xodimlari kuniga bagʻishlab” Buxoro viloyati Ichki ishlar organlari xodimlari oʻrtasida havoli quroldan oʻq otish sport turi boʻyicha musobaqa oʻtkazildi,

Ushbu musoba Vatanparvarlik tashkiloti Buxoro viloyati texnika va amaliy sport turlari markaziga qarashli oʻq otish tirida oʻtkazildi.
Qizgʻin va murosasiz kechgan ushbu musobaqada
1-oʻrinni Shofirkon tuman IIB jamoasi;
2-oʻrinni Kogon tuman IIB jamoasi;
3-oʻrinni Buxoro viloyati IIB Transportda XTB jamoalari egalladi.
Musoboqa yakuniy natijasiga koʻra faxrli oʻrinni egallagan sportchilar va jamoalar medal diplom va qimmatbaho sovgʻalar bilan taqdirlandilar.