O‘yindan o‘t chiqdi: Futbol o‘yinidagi tortishuv janjalga aylanib ketdi
Buxoro shahar IIO FMB tomonidan berilgan maʼlumotga ko‘ra joriy yilning 6-avgust kuni soat 23:50 larda “Moxi-Xossa” mahallasida yashovchi, 1991-yilda tug‘ilgan S.R. ismli shaxs “Moxi-Xossa” dam olish sanatoriyasining sunʼiy qoplamali futbol maydonida o‘zaro futbol o‘yini vaqtida tanishi 1996-yilda tug‘ilgan K.I. bilan janjallashib, janjal vaqtida uning jag‘ qismiga mushti bilan urgan.
Natijada jabrlanuvchi K.I. hushini yo‘qotib, boshining orqa qismi bilan beton qoplamali yer sathiga yiqilishi oqibatida bosh miya suyagining sinishi va miyasiga qon quyilishi kabi hayot uchun xavfli bo‘lgan og‘ir tan jarohati olgan.
Mazkur holat yuzasidan O‘zbekiston Respublikasi Jinoyat Kodeksining 104-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
