Ички ишлар бошқармаси бошлиғининг биринчи ўринбосари полковник Баҳодирхўжа Шарипов бошчилигида ўтказилган йиғилишда бошқарманинг соҳавий хизматлари раҳбарлари, кунлик тезкор-тергов гуруҳи аъзолари, видеоконференцалоқа тизими орқали ҳудудидий ички ишлар органларининг тезкор ва тергов гуруҳига, кундузги ҳамда тунги патруллик йўналишларида хизматга жалб этилган масъул раҳбарлар ва шахсий таркиб иштирок этди.

Муҳокамада:

-кундалик тушаётган мурожаатлар билан ишлаш;

-жиноят ва ҳуқуқбузарликларга оид иш юритувига олинган ҳужжатлар юзасидан белгиланган муддатларда қонуний қарорлар қабул қилишни таъминлаш;

-тезкор-тергов гуруҳига жалб этилган шахсий таркибнинг суткалик фаолиятини алоҳида назорат қилиш;

-кундузги ҳамда тунги патруллик йўналишларида хизматга жалб этилган ходимларнинг хизмат фаолиятида натижадорликка эришиш;

-навбатчилик қисмига келиб тушаётган ҳар бир мурожаат юзасидан ўз вақтида ҳодиса содир бўлган жойига етиб бориш, мурожаатларни тўлиқлигича ўрганиб, тегишли терговга қадар текширув ҳаракатларини сифатли амалга ошириш масалалари кўриб чиқилди.

Якунда кўтарилган ҳар-бир масала юзасидан соҳавий хизматлар масъуллари, ҳудудий ички ишлар органлари раҳбарларига бир қатор кўрсатма ва топшириқлар берилди.