Бухоро вилояти Ички ишлар бошқармаси бошлиғи подполковник Икромжон Турсунов Транспорт таъминоти бўлинмаси фаолиятини ўрганди
Бугун, Бухоро вилояти Ички ишлар бошқармаси бошлиғи подполковник Икромжон Турсунов Ички ишлар бошқармаси Молия ва Моддий техника таъминоти бошқармаси Транспорт таъминоти бўлинмасида бўлди
Бу ердаги ўрганишлар доирасида бошқарма бошлиғи ҳудуднинг санитар ҳолатини яхшилаш, ободонлаштириш ишларини олиб бориш, маънан эскирган бинолар ўрнига янги замонавий лойиҳалар асосида иншоотлар қуриш юзасидан ўзининг бир қатор таклиф ҳамда тавсияларини берди.Бундан ташқари Ички ишлар бошқармаси ҳисобида турган автотранспорт воситалари учун ёқилғи мойлаш материалларининг етарли заҳираси яратилганлиги, ёқилғи сифатини доим назорат қилиб бориш, автомашиналарга техник хизмат кўрсатиш сифатини яхшилаш, ҳайдовчилар билан кундалик хизмат олди йўриқномаларида уларнинг руҳий ҳолатини текшириш ва тиббий кўрикдан ўтишларини таъминлаш масалаларига алоҳида эътибор қаратиш лозимлигини таъкидлади.Ўрганиш давомида аниқланган бир қатор камчиликларни бартараф этиш юзасидан масъулларга топшириқлар берди.
Ички ишлар бошқармаси бошлиғи подполковник Икромжон Турсуновнинг бу каби ўрганишлари давом этмоқда.
