Видеоконференцалоқа тизими орқали ўтган йиғилишда бошқарма бошлиғининг биринчи ўринбосари полковник Баҳодирхўжа Шараипов бошчилигида барча ўринбосарлар, соҳавий хизматлар раҳбарлари, ҳудудий ички ишлар органлар раҳбарияти ҳамда шахсий таркиб иштирок этди.

Танқидий таҳлилий-тарзда ўтган муҳокамада:

-жорий йилнинг икки ойи мобайнида содир этилган жиноятлар таҳлили;

Очилмаган жиноятларни иссиқ изидан фош этиш, қидирувдаги шахсларни ушлаш, бедарак йўқолганларни аниқлаш бўйича тезкор тадбирларнинг самарадорлиги;

-суриштирув, терговга қадар текширув ҳамда тергов ҳаракатларини сифатли ўтказиш ва якуни бўйича қонуний қарорлар қабул қилинишининг аҳволи;

-"E-material" тизимига келиб тушаётган материалларни кундалик назорат қилиш ва қонуний қарор қабул қилинишини таъминлаган ҳолда ҳал этиш;

-олди олиниши мумкин бўлган жиноятлар, айниқса ўғрилик, фирибгарлик, тан жароҳати билан боғлиқ, оила-турмуш доирасида содир этилаётган жиноятларни олдини олишга доир профилактик тадбирлар ва бунда йўл қўйиб келинаётган тизимли камчиликлар;

-кибержиноятчиликни олдини олиш, ижтимоий тармоқлардан фойдаланиш маданияти ҳамда ҳуқуқий онгни оширишга қаратилган тарғибот тадбирларини кучайтириш, шу билан бирга пластик карта билан боғлиқ ўғрилик ва фирибгарлик жиноятларини олдини олишга доир "хонадонбай" ва "фуқаробай" тушунтириш тадбирларини ўтказиш орқали аҳолининг кибергигиена бўйича саводхонлигини ошириш;

- муқаддам судлаган, пробация назорати остидагилар, профилактик ҳисобда турганлар билан ишлаш;

-кундузги ҳамда тунги патруллик йўналишларининг кунлик дислокацияларини таҳлил ва кундалик вазиятга қараб қайта тақсимот қилиш;

-хотин қизлар, ёшлар ҳамда вояга етмаганлар ўртасида жиноят ва ҳуқуқбузарликларни олдини олиш борасида амалга оширилаётган ишлар;

-мактаблар, техникумлар, касб-ҳунар коллежлари, шунингдек, олий таълим муассасаларида ҳамкор идоралар билан биргаликда "Давомат" ва "Тиғ" махсус ҳамда тезкор профилактик тадбирларни кучайтириш;

-оғир ва ўта оғир турдаги жиноятлар, тан жароҳати етказиш, оила турмуш доирасидаги, шу жумладан оилавий зўравонлик билан боғлиқ жиноятларни олдини олиш;

-"маҳаллабай" ва "соҳабай" тартибда жиноятларнинг муҳокамасини ташкиллаштириш ва келгусида жиноятлар содир этилишини олдини олишга қаратилган тарғибот тадбирларини олиб бориш;

Президентимизнинг "2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш чора-тадбирлари тўғрисида" ги 1-сонли Қарори асосида ишлаб чиқилган йўл харитада белгилаб берилган вазифаларнинг биринчи чорак учун мўлжалланган бандларининг ижросини таъминлаш;

- шу жумладан, аҳоли ўртасида тарғибот ишларини олиб бориб, "Хавфсиз кўча" лойиҳасини ташаббусли бюджетда ютиб олиш орқали молиялаштиришнинг афзалликларини тушунтириш йўли билан манзилли ишларни ташкиллаштириш;

-ҳудудлар бўйлаб замонавий видеокузатув камераларини ўрнатиш ва марказга интеграция қилиш, хонадонлар, маиший ва хизмат кўрсатиш шохобчаларини қўриқлаш пультига улаш, кўп қаватли уйлар подъездлари, умумий овқатланиш шохобчаларида, корхона,ташкилот ва муассасаларда ташвиш сигналларини ўрнатиш орқали хавфсизликни таъминлаш борасидаги ишлар;

-вилоят ва шаҳар туманларнинг 3-секторлари фаолияти, ҳудудларда фуқароларнинг ижтимоий-иқтисодий, маиший муаммоларига ечим топиш, камбағалликни қисқартириш борасидаги манзилли ишларнинг аҳволи;

-ходимлар ўртасида хизмат интизоми ва ижро интизомини мустаҳкамлаш, қонунийликни таъминлаш масалалари кўриб чиқилди.

Кўтарилган ҳар-бир масала юзасидан тегишли соҳавий хизматлар масъуллари, ҳудудий ички ишлар органлари раҳбарларига аниқ топшириқлар берилиб, ҳар бир топшириқни бажариб ахборот бериш, бунда раҳбарлар қўл остидаги шахсий таркибнинг кундалик вазифаларини тўғри тақсимлаган ҳолда назорат қилишлари юзасидан кўрсатмалар берилди.

Тезкор йиғилиш якунида навбатдаги ҳамда биринчи махсус унвон олган ходимларга тегишли унвонлар, шунингдек, рағбатлантирилган ходимларнинг мукофотлари тантанали равишда топширилди.