Видеоконференцалоқа тизими орқали ўтган йиғилишда бошқарма бошлиғининг барча ўринбосарлари, тегишли соҳавий хизматлар раҳбарлари ҳамда ҳудудий ички ишлар органлар бошлиқлари иштирок этди.

Муҳокамада:

- жорий йилнинг ўтган даврида содир этилган жиноятчилик аҳволи, мавҳум ҳолатда содир этилган жиноятларни очиш, ташаббус билан аниқланадиган жиноятларни фош этиш, қидирувдаги шахсларни ушлаш, бедарак йўқолганларни аниқлаш, 102 автоматлаштирилган тизим орқали, шунингдек, ҳудудий ички ишлар органларининг навбатчилик қисмига келиб тушаётган жиноят ва ҳуқуқбузарликлар тўғрисидаги мурожаатларни тегишли норматив ҳужжатлар асосида ўз вақтида, сифатли ва тўлақонли кўриб чиқиб, қонуний қарорлар қабул қилинишининг аҳволи;

- 54 тоифа шахслар, шу жумладан, муқаддам судланганлар, профилактик ҳисоб ҳамда пробация назоратида турувчилар, узоқ муддатга яшаш, ишлаш, ўқиш ёки бошқа масалаларда чет элга чиқиб кетган ёки қайтиб келган фуқаролар билан ишлаш;

- Президентимизнинг "2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш чора-тадбирлари тўғрисида" ги 1-сонли Қарорида белгилаб берилган вазифаларга доир ишлаб чиқилган “Йўл Харита” бандларининг ижросини таъминлаш борасидаги ишлар;

- ушбу қарор билан белгилаб олинган оғир маҳаллаларда амалга оиширилаётган кенг кўламли ҳамда манзилли чора-тадбирлар, шу жумладан, криминоген вазияти оғир ҳамда қизил тоифали маҳаллаларга бириктирилган раҳбарлар томонидан амалга оширилаётган ишлар;

-"Яшил макон" умуммиллий лойиҳаси доирасида берилган топшириқларнинг ижроси;

- ходимлар ўртасида хизмат ва ижро интизомини мустаҳкамлаш, қонунийликни таъминлаш;

Тезкор йиғилишда ҳар бир йўналиш бўйича масъулларнинг ҳисоботлари тингланиб, амалга оширилган иш натижалари бирма-бир муҳокама қилинди, жорий йилнинг ўтган даври мобайнида содир этилган жиноятлар, уларнинг келиб чиқишига омил бўлган шарт-шароитлар бирма-бир таҳлил қилинди.

Якунда, кўтарилган масалалар юзасидан соҳавий хизматлар ҳамда ҳудудий ички ишлар органлари раҳбарларига аниқ топшириқлар берилиб, ижроси алоҳида назоратга олинди.