Videokonferensaloqa tizimi orqali o‘tgan yig‘ilishda boshqarma boshlig‘ining barcha o‘rinbosarlari, tegishli sohaviy xizmatlar rahbarlari hamda hududiy ichki ishlar organlar boshliqlari ishtirok etdi.

Muhokamada:

- joriy yilning o‘tgan davrida sodir etilgan jinoyatchilik ahvoli, mavhum holatda sodir etilgan jinoyatlarni ochish, tashabbus bilan aniqlanadigan jinoyatlarni fosh etish, qidiruvdagi shaxslarni ushlash, bedarak yo‘qolganlarni aniqlash, 102 avtomatlashtirilgan tizim orqali, shuningdek, hududiy ichki ishlar organlarining navbatchilik qismiga kelib tushayotgan jinoyat va huquqbuzarliklar to‘g‘risidagi murojaatlarni tegishli normativ hujjatlar asosida o‘z vaqtida, sifatli va to‘laqonli ko‘rib chiqib, qonuniy qarorlar qabul qilinishining ahvoli;

- 54 toifa shaxslar, shu jumladan, muqaddam sudlanganlar, profilaktik hisob hamda probatsiya nazoratida turuvchilar, uzoq muddatga yashash, ishlash, o‘qish yoki boshqa masalalarda chet elga chiqib ketgan yoki qaytib kelgan fuqarolar bilan ishlash;

- Prezidentimizning "2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yana-da oshirish chora-tadbirlari to‘g‘risida" gi 1-sonli Qarorida belgilab berilgan vazifalarga doir ishlab chiqilgan “Yo‘l Xarita” bandlarining ijrosini taʼminlash borasidagi ishlar;

- ushbu qaror bilan belgilab olingan og‘ir mahallalarda amalga oishirilayotgan keng ko‘lamli hamda manzilli chora-tadbirlar, shu jumladan, kriminogen vaziyati og‘ir hamda qizil toifali mahallalarga biriktirilgan rahbarlar tomonidan amalga oshirilayotgan ishlar;

-"Yashil makon" umummilliy loyihasi doirasida berilgan topshiriqlarning ijrosi;

- xodimlar o‘rtasida xizmat va ijro intizomini mustahkamlash, qonuniylikni taʼminlash;

Tezkor yig‘ilishda har bir yo‘nalish bo‘yicha masʼullarning hisobotlari tinglanib, amalga oshirilgan ish natijalari birma-bir muhokama qilindi, joriy yilning o‘tgan davri mobaynida sodir etilgan jinoyatlar, ularning kelib chiqishiga omil bo‘lgan shart-sharoitlar birma-bir tahlil qilindi.

Yakunda, ko‘tarilgan masalalar yuzasidan sohaviy xizmatlar hamda hududiy ichki ishlar organlari rahbarlariga aniq topshiriqlar berilib, ijrosi alohida nazoratga olindi.