Бошқарма бошлиғи туман сектор раҳбарлари билан бўлган суҳбатда туманни ижтимоий-иқтисодий ривожлантириш, коммуникация тармоқлари, инфратузилма ҳолатини яхшилаш, аҳолини қийнаб келаётган тизимли муаммоларни ҳал этиш, "Обод ва хавфсиз хонадон" тамойили асосида маҳаллаларда амалга оширилаётган кенг кўламли тозалаш-ободонлаштириш, қурилиш-таъмирлаш, бунёдкорлик ишларини янада жадаллаштиришга доир кўрсатмалар берди.

Шунингдек, Давлатимиз раҳбарининг 2024 йил 23 сентябрь кунидаги “Камбағалликдан фаровонлик сари” дастури доирасида "Сайхунобод", "Уйчи", "Зарбдор" ва "Ғиждувон" туманлари тажрибалари асосида аҳолининг кам таъминланган қисмининг даромадини ошириш, маҳаллалар драйверини яратиш, тадбиркорлик истагида бўлган фуқаролар рўйхатларини шакллантириш ҳамда уларни кичик бизнес ва тадбиркорликка йўналтириш, ҳудудларда кичик саноат зоналарини ташкил этиш, пировардида эса ишсиз ва миграцияда юриб қийналган фуқароларимизни доимий ва даромадли иш билан таъминлаган ҳолда турли ёд ғоялардан асраш, ҳуқуқбузарлик ва жиноятчиликка барҳам бериш борасида ҳам масъулларга ўзининг тавсия ва топшириқларини берди.

Жараёнда аҳоли хонадонлари, маиший ва хизмат кўрсатиш шохобчалари, мулкчилик шаклидан қатъий назар корхона ва ташкилотларда хавфсизликни таъминлашга доир тарғибот тадбирларини олиб бориб, замонавий видеокузатув мосламаларини ўрнатиш, қўриқлаш пультига уланиш, шунингдек, энергия тежовчи замонавий технологияларнинг имкониятларидан оқилона фойдаланишнинг афзалликларини тушунтириш орқали қуёш панелларини ўрнатиш борасида манзилли ишлар олиб бориш бўйича ҳам кўрсатмалар берилди.

Шу билан бирга, туман ҳудудидан ўтувчи халқаро ва маҳаллий аҳамиятга эга бўлган йўлларда, ички кўчаларда тозалаш, ободонлаштириш, "Яшил макон" умуммиллий лойиҳаси доирасида манзарали ва мевали дарахт кўчатларини экиш, янги боғлар яратиш, қишлоқ хўжалиги ерларида, боғ ва токзорларда агротехник тадбирларни олиб бориш, ариқ ва зовурларни тозалаш, бетонлаштириш каби ишларни бажариш юзасидан вазифалар белгилаб берилди.