Бугун, вилоят 3-сектор раҳбари, Ички ишлар бошқармаси бошлиғи полковник Икромжон Турсунов Давлатимиз раҳбарининг "2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш чора-тадбирлари тўғрисида" ги 1-сонли Қарори асосида туман ҳамда маҳалла кесимида ишлаб чиқилган йўл хариталарининг ижросини таъминлаш мақсадида 3-секторга қарашли Шофиркон туманида ўрганишлар олиб борди.

Бошқарма бошлиғи Шофиркон тумани сектор раҳбарлари ва бошқа масъуллар билан биргаликда туманни ижтимоий-иқтисодий ривожлантириш, коммуникация тармоқлари, инфратузилма ҳолатини яхшилаш, аҳолини қийнаб келаётган тизимли муаммоларни ҳал этиш, "Обод ва хавфсиз хонадон" тамойили асосида маҳаллаларда амалга оширилаётган кенг кўламли тозалаш-ободонлаштириш, қурилиш-таъмирлаш ишларини жойига бориб кўздан кечирди.

Жумладан, "Хўжаориф" маҳалласида қурилаётган Болалар оромгоҳининг қурилиш жараёни билан танишиб ўзининг тегишли тавсияларини берди.

"Султонобод" ҳамда "Шибирғон" маҳаллалари еттилик вакиллари билан хонадонма-хонадон, кўчама-кўча юриб, давлатимиз раҳбарининг “Камбағалликдан фаровонлик сари” дастури, "Сайхунобод", "Уйчи", "Зарбдор" ва "Ғиждувон" туманлари тажрибалари асосида маҳаллаларда томорқадан унумли фойдаланиш, тадбиркорликни ривожлантириш бўйича олиб борилаётган амалий ишлар билан танишиб, масъулларнинг ҳисоботларини тинглади.

Жараёнда, аҳолининг кам таъминланган, ишсиз ва миграцияда юриб қийналган қатламини доимий иш билан таъминлаш, тадбиркорлигини кенгайтирмоқчи бўлган фуқароларга яратиб берилаётган имкониятлар хусусида ҳам батафсил тушунчалар берди.

Аҳоли мурожаатлари билан ишлаш, маҳаллаларда мавжуд ижтимоий ва маиший муаммоларни ўз вақтида ҳал этиш юзасидан топшириқлар берди.

Шундан сўнг, туман Марказий деҳқон бозори олдида қурилаётган янги "Автобекат" лойиҳаси билан танишиб, қурилиш жараёнларини жадаллаштириш юзасидан масъулларга зарурий кўрсатмалар берди.

"Рақамлашган, обод ва хавфсиз маҳалла" тамойили асосида аҳоли хонадонлари кўча ва жамоат жойларида, маиший ва хизмат кўрсатиш шохобчалари, мулкчилик шаклидан қатъий назар корхона ва ташкилотларда замонавий видеокузатув мосламаларини ўрнатиш, қўриқлаш пультига улаш, шунингдек, энергия тежовчи замонавий технологияларнинг имкониятларидан оқилона фойдаланишнинг афзалликларини тушунтириш орқали қуёш панелларини ўрнатиш юзасидан тарғибот тадбирларини кучайтириш борасида ҳам кўрсатмалар берилди.

"Яшил макон" умуммиллий лойиҳаси доирасида манзарали ва мевали дарахт кўчатларини экиш, янги боғлар яратиш, қишлоқ хўжалиги ерларида, боғ ва токзорларда агротехник тадбирларни олиб бориш, ариқ ва зовурларни тозалаш, бетонлаштириш каби ишларни бажариш юзасидан берилган вазифаларнинг ижроси ҳам кўздан кечирилди.

Бу каби ўрганишлар кунлик режа асосида давом эттирилмоқда.