Давлатимиз раҳбарининг ташаббуси билан амалиётга жорий этилган аҳоли билан доимий мулоқот қилиш, фуқароларни қийнаётган муаммоларни ҳал этишнинг бундай самарали механизми ҳудудлар инфратузилмасини яхшилашга, аҳоли муаммоларини ҳал қилишга хизмат қилмоқда.

Ўзбекистон Республикаси Президентининг 2019 йил 17-январьдаги "Аҳоли муаммолари билан ишлаш тизимини янада такомиллаштириш чора-тадбирлари тўғрисида"ги Фармони ҳамда Ички ишлар вазирининг 2024 йил 24 апрелдаги "Ички ишлар органларида жисмоний ва юридик шахсларнинг мурожаатлари билан ишлашни такомиллаштириш тўғрисида"ги буйруғи талабларини таъминлаш мақсадида ўтказилган қабулда вилоят 3 сектор штаби аъзолари, Когон туман Ички ишлар бўлими ҳамда туман ҳокимлиги масъуллари ва мурожаатига ечим излаб келган фуқаролар иштирок этишди.

Жараёнда 40 га яқин фуқароларнинг 20 дан ортиқ турли масалалардаги мурожаатлари бирма-бир кўриб чиқилди.

Жумладан, йўл инфратузилмасини яхшилаш, кўчаларни шағаллаштириш, оилавий келишмовчилик, уй-жой ва низоли ер масаласидаги ўза келишмовчиликни қонуний ҳал қилиб бериш борасидаги масалалар йўлланди.

Мурожаатларнинг жойида бартараф этилишига алоҳида эътибор қаратилиб, қўшимча ўрганиш ва қонуний қарор қабул қилиш учун муддат талаб қилганлари юзасидан аниқ ва манзилли чора-тадбирлар белгиланди.

Албатта, бу каби сайёр қабулларни ўтказишдан кўзланган асосий мақсад халқ билан фаол ва очиқ мулоқот олиб бориш, аввало инсон ҳуқуқ ҳамда манфаатларини таъминлаш орқали халқимизнинг фаровон, бахтли ҳаёт кечириши учун муносиб шарт-шароитлар яратишдан иборатдир.