Худди шу масалаларни ўз ичига олган тезкор йиғилишда бошқарма бошлиғи томонидан ўтган ҳафта давомида вилоят ички ишлар органлари ходимлари томонидан амалга оширилган ишлар ва йўл қўйиб келинаётган тизимли камчиликлар танқидий таҳлилий муҳокама қилди.

Ўзбекистон Республикаси Давлат Мадҳиясини хор бўлиб ижро этишдан бошланган видеоконференция алоқа тизими асосида ўтказилган йиғилишда вилоят студиясидан Ички ишлар бошқармаси бошлиғининг барча ўринбосарлари, соҳавий хизматлар раҳбарлари ва шахсий таркиб, ҳудудий студиялардан шаҳар ва туманлар ички ишлар органларининг тўлиқ шахсий таркиби иштирок этди.

Дастлаб, маънавият ва маърифат дарси доирасида ”Ходимларнинг ижтимоий ҳимояси доимий эътиборда” мавзусида маъруза қилинди. Шундан сўнг:

-жорий йилнинг ўтган даври мобайнида вилоят ҳудудида ҳуқуқбузарликлар ва жиноятларни олдини олиш, жамоат тартибини сақлаш, фуқаролар хавфсизлиги ва йўл ҳаракати хавфсизлигини таъминлаш борасида олиб борилаётган ишлар;

Ўзбекистон Республикаси Ички ишлар вазирининг тегишли фармойиши билан ўтказилаётган "Хавфсиз ва соғлом юрт" кенг қамровли профилактик тадбирининг иккинчи босқичи доирасида амалга оширилаётган чора-тадбирлар;

Ички ишлар органлари ходимларининг жисмоний ва жанговар тайёргарлик бўйича жойларда ўтказилаётган машғулотларнинг аҳволи ва йўл қўйилаётган камчиликлар масалалари бирма-бир муҳокама қилинди.

Якунда, шахсий таркиб ўртасида хизмат ва ижро интизомини мустаҳкамлаш, қонунийликни таъминлаш юзасидан топшириқ ҳамда кўрсатмалар берилди.

Шунингдек, ҳар бир масала бўйича аниқ вазифалар белгилаб берилиб, уларнинг ижроси ва натижаси мутасадди раҳбарларнинг шахсий жавобгарлиги асосида назоратга олинди.