Xuddi shu masalalarni o‘z ichiga olgan tezkor yig‘ilishda boshqarma boshlig‘i tomonidan o‘tgan hafta davomida viloyat ichki ishlar organlari xodimlari tomonidan amalga oshirilgan ishlar va yo‘l qo‘yib kelinayotgan tizimli kamchiliklar tanqidiy tahliliy muhokama qildi.

O‘zbekiston Respublikasi Davlat Madhiyasini xor bo‘lib ijro etishdan boshlangan videokonferensiya aloqa tizimi asosida o‘tkazilgan yig‘ilishda viloyat studiyasidan Ichki ishlar boshqarmasi boshlig‘ining barcha o‘rinbosarlari, sohaviy xizmatlar rahbarlari va shaxsiy tarkib, hududiy studiyalardan shahar va tumanlar ichki ishlar organlarining to‘liq shaxsiy tarkibi ishtirok etdi.

Dastlab, maʼnaviyat va maʼrifat darsi doirasida ”Xodimlarning ijtimoiy himoyasi doimiy eʼtiborda” mavzusida maʼruza qilindi. Shundan so‘ng:

-joriy yilning o‘tgan davri mobaynida viloyat hududida huquqbuzarliklar va jinoyatlarni oldini olish, jamoat tartibini saqlash, fuqarolar xavfsizligi va yo‘l harakati xavfsizligini taʼminlash borasida olib borilayotgan ishlar;

O‘zbekiston Respublikasi Ichki ishlar vazirining tegishli farmoyishi bilan o‘tkazilayotgan "Xavfsiz va sog‘lom yurt" keng qamrovli profilaktik tadbirining ikkinchi bosqichi doirasida amalga oshirilayotgan chora-tadbirlar;

Ichki ishlar organlari xodimlarining jismoniy va jangovar tayyorgarlik bo‘yicha joylarda o‘tkazilayotgan mashg‘ulotlarning ahvoli va yo‘l qo‘yilayotgan kamchiliklar masalalari birma-bir muhokama qilindi.

Yakunda, shaxsiy tarkib o‘rtasida xizmat va ijro intizomini mustahkamlash, qonuniylikni taʼminlash yuzasidan topshiriq hamda ko‘rsatmalar berildi.

Shuningdek, har bir masala bo‘yicha aniq vazifalar belgilab berilib, ularning ijrosi va natijasi mutasaddi rahbarlarning shaxsiy javobgarligi asosida nazoratga olindi.