22 Сентябр 2024 йил
1405
Бухоро вилояти ҳокими ҳамда Ички ишлар бошқармаси бошлиғининг ташаббуси билан вилоят 3-секторига қарашли Шофиркон тумани Марказий ўйингоҳи янгича қиёфа касб этмоқда.
Саҳифаларимизни кузатиб бораётган бўлсангиз, Бухоро вилояти ҳокими ҳамда Ички ишлар бошқармаси бошлиғининг ташаббуси ҳамда ҳудудий масъулларнинг саъй-ҳаракати билан Шофиркон туманидаги Марказий стадионда кенг кўламли реконструкция, қурилиш ва ободонлаштириш ишлари олиб борилмоқда.
Бугун вилоят ИИБ бошлиғи Шофиркон туманида бўлиб, мазкур ўйингоҳда амалга оширилаётган ишларнинг бориши билан яқиндан танишди.
Бошқарма бошлиғи туман марказий ўйингоҳида олиб борилаётган қайта реконструкция ишлари жараёнини ҳамда футбол майдонига сунъий чим қопламасини ётқизиш билан боғлиқ ишларнинг боришини кўздан кечириб, стадионни тез фурсатларда аҳоли фойдаланиши учун топшириш юзасидан мутасаддиларга тавсия ҳамда кўрсатмалар берди.
