Бугун, 15-март Бухоро вилояти ИИБ бошлиғи Миржамол Миралимов ички ишлар органлари ходимларини ижтимоий ҳимоя қилиш, уларга малакали тиббий хизмат кўрсатиш сифатини янада яхшилаш мақсадида Ўзбекистон Республикаси Ички ишлар вазирлигининг ташаббуси билан Бухоро вилояти Ички ишлар бошқармаси «Тўдакўл» болалар соғломлаштириш маркази ўрнида ташкил этилаётган Тиббиёт бўлими таркибидаги «Тўдакўл» реабилитация марказини ташкил этиш борасида олиб борилаётган кенг кўламли қурилиш, таъмирлаш ва ободонлаштириш ишларини кўздан кечирди.

Шундан сўнг бошқарма бошлиғи Когон тумани 3-секторига ташриф буюриб, ишчи гуруҳ аъзолари ва секторга қарашли маҳаллалар "бешлик" вакиллари билан учрашди.

Жараёнда маҳаллаларда "хонадонбай" тизими асосида уйма-уй юриб аҳоли муаммоларини аниқлаш ва уларни ҳал қилиш борасида олиб борилаётган ишлар аҳволини ҳам муҳокама қилди.

Ўрганишлар давомида вилоят 3-сектор раҳбари Ўзбекистон Республикаси Президентининг 2022 йил 25 октябрь кунидаги ПҚ-408-сонли Қарори асосида Когон тумани 3-сектори ҳудудидаги ижтимоий объектларда олиб борилаётган манзилли ишларни ҳам кўздан кечирди.

Жумладан "Сиёзпоён" маҳалласида жойлашган 13-сонли МТТ да болалар ўйингоҳи қурилиши ҳамда Когон маҳалласи учун янгидан қурилаётган маъмурий бинонинг қурилиш жараёнларини ўрганди.

Масъулларга ушбу объектларни қисқа муддатларда сифатли қуриб, фойдаланишга топшириш бўйича тегишли кўрсатмалар берилди.

Бошқарма бошлиғининг бу каби ўрганишлари давом этмоқда.