Бухоро вилояти Ички ишлар бошқармаси бошлиғи ўринбосари ЖХХ бошлиғи подполковник Жонибек Болтаев Ғиждувон туманининг «қизил» тоифага киритилган маҳаллаларида 10-сонли қўшма Қарор ижроси юзасидан маҳаллаларда жиноят ва ҳуқуқбузарликларни олдини олиш бўйича амалга оширилаётган ишлар юзасидан муҳокама йиғилиши ўтказди.

Муҳокама йиғилишида туман сектор раҳбарлари, тегишли ташкилотлар масъуллари ҳамда маҳаллалар "бешлик" вакиллари иштирок этдилар.

Бунда, бошқарма бошлиғи ўринбосари маҳаллаларнинг криминоген вазиятига таъсир қилаётган омиллар, шунингдек, комплекс ёндашув асосида амалга оширилиши лозим бўлган профилактик тадбирлар самарадорлигини ошириш, салмоғи юқори бўлган жиноятларни олдини олишнинг ўзига хос хусусиятларини инобатга олган ҳолда махсус контингент билан ишлаш кераклиги борасида алоҳида топшириқлар берди.

Жараёнда содир этилган ҳар бир жиноятга сабаб бўлган омиллар илмий ёндашув асосида чуқур таҳлил қилиниб, келгусида бажарилиши лозим бўлган ишлар белгилаб олинди.

Маҳаллаларда фаолият олиб борувчи «бешлик» вакиллари иштирокида жиноят ва ҳуқуқбузарликларни олдини олиш бўйича “Хавфсиз маҳалла” тамойили асосида хавфсиз муҳитни яратишга қаратилган қўшма Қарор ижроси бўйича белгилаб берилган вазифаларни тезкор ва самарали ҳал этиш чораларини кўриш борасида масъулларга тегишли кўрсатмалар берилди.

Бу каби ўрганишлар вилоятнинг барча шаҳар ва туманларида давом эттирилмоқда.