Видеоконференцалоқа тизими асосида ўтказилган мазкур сессия ишида вилоятдан сайланган Олий Мажлиси Сенати аъзолари, халқ депутатлари вилоят Кенгаши депутатлари, доимий комиссиялар раислари, вилоят ҳокими ўринбосарлари, сиёсий партиялар, жамоат ташкилотлари, бошқарма ва ташкилотлар, ҳуқуқни муҳофаза қилувчи органлар раҳбарлари ҳамда оммавий ахборот воситалари вакиллари, ҳудудий студиялардан эса шаҳар ва туман сектор раҳбарлари, халқ депутатлари маҳаллий кенгашларининг депутатлари ва тегишли идоралар масъуллари иштирок этишди.

Ўзбекистон Республикаси Президентининг 2017 йил 10 мартдаги "Ички ишлар органларининг фаолияти самарадорлигини тубдан ошириш, жамоат тартибини, фуқаролар ҳуқуқлари, эркинликлари ва қонуний манфаатларини ишончли ҳимоя қилишни таъминлашда уларнинг масъулиятини кучайтириш чора-тадбирлари тўғрисида"ги ПФ-5005-сонли Фармонига асосан сессияда "Бухоро вилоятида 2024 йилда ҳуқуқбузарликларни олдини олиш ва жамоат хавфсизлигини таъминлаш борасида амалга оширилган ишлар бўйича" Бухоро вилояти Ички ишлар бошқармаси бошлиғи Икромжон Турсуновнинг ҳам ҳисоботи эшитилди.

Сессия ишида кун тартибига қўйилган бир қатор масалалар юзасидан Халқ депутатлари Бухоро вилояти Кенгашининг тегишли қарорлари қабул қилиниб, ижрога қаратилди.