Videokonferensaloqa tizimi asosida o‘tkazilgan mazkur sessiya ishida viloyatdan saylangan Oliy Majlisi Senati aʼzolari, xalq deputatlari viloyat Kengashi deputatlari, doimiy komissiyalar raislari, viloyat hokimi o‘rinbosarlari, siyosiy partiyalar, jamoat tashkilotlari, boshqarma va tashkilotlar, huquqni muhofaza qiluvchi organlar rahbarlari hamda ommaviy axborot vositalari vakillari, hududiy studiyalardan esa shahar va tuman sektor rahbarlari, xalq deputatlari mahalliy kengashlarining deputatlari va tegishli idoralar masʼullari ishtirok etishdi.

O‘zbekiston Respublikasi Prezidentining 2017 yil 10 martdagi "Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni taʼminlashda ularning masʼuliyatini kuchaytirish chora-tadbirlari to‘g‘risida"gi PF-5005-sonli Farmoniga asosan sessiyada "Buxoro viloyatida 2024 yilda huquqbuzarliklarni oldini olish va jamoat xavfsizligini taʼminlash borasida amalga oshirilgan ishlar bo‘yicha" Buxoro viloyati Ichki ishlar boshqarmasi boshlig‘i Ikromjon Tursunovning ham hisoboti eshitildi.

Sessiya ishida kun tartibiga qo‘yilgan bir qator masalalar yuzasidan Xalq deputatlari Buxoro viloyati Kengashining tegishli qarorlari qabul qilinib, ijroga qaratildi.