видеоконференцалоқа тизими асосида ўтказилган мазкур сессия ишида вилоятдан сайланган Ўзбекистон Республикаси Олий Мажлиси Сенати аъзолари, халқ депутатлари вилоят Кенгаши депутатлари, доимий комиссиялар раислари, вилоят ҳокими ўринбосарлари, сиёсий партиялар, жамоат ташкилотлари, бошқарма ва ташкилотлар, ҳуқуқни муҳофаза қилувчи органлар раҳбарлари ҳамда оммавий ахборот воситалари вакиллари, шунингдек, ҳудудий студиялардан-шаҳар ва туман раҳбарлари, халқ депутатлари маҳаллий кенгашларининг депутатлари ва тегишли идоралар масъуллари иштирок этишди.

Сессия кун тартибига қўйилган "Бухоро вилоятида жорий йилнинг 3 ойи давомида ҳуқуқбузарликларнинг олдини олиш ва жиноятчиликка қарши курашиш борасида амалга оширилган ишлар" юзасидан, Ички ишлар бошқармаси бошлиғининг ҳисоботи тингланди.

Ҳисобот юзасидан депутатлар, жамоатчилик вакиллари ва оммавий ахборот воситалари вакилларининг саволларига бошқарма бошлиғи томонидан батафсил жавоблар берилиб, кўтарилган масалаларнинг ҳар бири юзасидан Халқ депутатлари вилоят кенгашининг тегишли қарорлари қабул қилинди.