Бухоро шаҳридаги криминоген вазияти бир мунча оғир, қизил тоифали "С.Айний" маҳалла фуқаролар йиғинида вилоят ҳокими раҳбарлигида маҳаллаларда ишсизлик ва камбағалликни қисқартириш, жиноятчилик ва ҳуқуқбузарликларни олдини олиш, аҳоли фаровонлигини ошириш, инвестиция ва экспорт салоҳиятини юксалтириш, аҳоли кайфиятига салбий таъсир кўрсатувчи ижтимоий муаммоларни ҳал қилиш, миграциядагилар билан манзилли ишлаш, бунда “маҳалла еттилиги” ҳамкорлигини таъминлашга қаратилган масалалар юзасидан сайёр учрашув ўтказилди.

Учрашувда "маҳаллабай" ёндашув асосида аҳоли турмуш даражасини ўрганиш, муаммоларни аниқлаш ва уларни бартараф этиш пировардида жиноятчиликка барҳам бериш бўйича амалга оширилаётган ишлар танқидий таҳлил қилинди.

Шундан келиб чиқиб, мутасаддиларга маҳаллаларда кенг кўламли ҳамда манзилли чора тадбирларни амалга ошириш борасида галдаги вазифалар юзасидан кўрсатма ва топшириқлар берилди.

Шунингдек, видеоконфренсалоқа шаклида шаҳар-туманлар ҳокимлари, дахлдор масъуллар ва мавжуд 516 та "маҳалла еттилиги" вакиллари билан мазкур йўналишда амалга оширилиши лозим бўлган ишлар юзасидан кенгашиб олинди.

Якунда мавжуд муаммоларни жойида ўрганиш, манзилли ечимлар ишлаб чиқиш, аҳолининг турмуш шароитини яхшилаш, маҳаллаларда криминоген вазиятни яхшилаш бўйича тизимли ва натижадор фаолият юритиш зарурлиги таъкидланди. Бу борада муҳим чора-тадбирлар белгиланиб, ижроси алоҳида назоратга олинди.