Бухоро вилояти ҳокими бошчилигидаги мутасаддилар Бухоро шаҳрининг криминоген вазияти оғир, қизил тоифали «С.Айний» маҳалла фуқаролар йиғинида бўлиб, аҳолини қийнаётган муаммоларни ўрганиб, маҳаллаларда ишсизлик ва камбағалликни қисқартириш, жиноят ва ҳуқуқбузарликларни олдини олиш, аҳоли фаровонлигини ошириш, саноатлашган ушбу ҳудуднинг инвестиция ва экспорт салоҳиятини юксалтириш, аҳоли кайфиятига салбий таъсир кўрсатувчи муаммоларни ҳал қилиш, миграцияда юрган ёки қайтиб келган фуқаролар билан манзилли ишлаш, бунда “маҳалла еттилиги” нинг ҳамкорлигини таъминлашга қаратилган масалалар юзасидан очиқ мулоқот ўтказилди.

Шунингдек, масъуллар бошчилигида маҳалладаги ишсиз фуқаролар билан юзма-юз суҳбат ўтказилди. Уларнинг қизиқиши ва мавжуд имкониятдан келиб чиқиб, иш ўринлари таклиф қилинди. Шунга кўра, аксарият фуқароларни шу жойнинг ўзида ишга жойлашишига эришилди.

Ўз навбатида маҳаллада аҳоли кайфиятига салбий таъсир кўрсатувчи муаммоларни ҳал қилиш, ҳудудда криминоген вазиятни барқарорлаштириш, аҳолининг ҳуқуқий саводхонлигини ошириш, миграциядагилар билан манзилли ишлаш, инвестиция ва экспорт йўналишидаги ишларни тизимли ташкил этиш борасида амалга оширилиши лозим бўлган ишлар юзасидан аниқ чора-тадбирлар ишлаб чиқилди.

Мазкур маҳалла мисолида бошқа ҳудудларда ҳам белгиланган йўналишларда кечиктириб бўлмас вазифаларни бажариш бўйича кенгашиб олинди.