Avtomashinani oynasini g‘isht bo‘lagi bilan sindirib hujjatlarni o‘g‘irlab ketgan shaxs qo‘lga olindi
2023 yil 3 may kuni soat taxminan 6:00 larda nomaʼlum shaxs qasddan jinoyat sodir qilish yo‘liga o‘tib, Buxoro shahar “I.Mo‘minov” ko‘chasidagi uy oldida qarovsiz holatda qoldirilgan “Kobalt” rusumli avtomashinaning old yo‘lovchi tomon oynasini g‘isht bo‘lagi bilan sindirib, avtomashina salonidan haydovchiga tegishli fuqarolik pasporti va haydovchilik guvohnomasi, avtomashinani qayd qilish guvohnomasini o‘g‘irlab, voqea joyidan yashiringan.
Mazkur holat yuzasidan nomaʼlum shaxsga nisbatan O‘zbekiston Respublikasi JK. ning 25,169-moddasi 1-qismi va 227-moddasi 2-qismi bilan jinoyat ishi qo‘zg‘atilib, olib borilgan tezkor texnik, surishtiruv hamda tergov harakatlari davomida ushbu jinoyatni, R.B. ismli shaxs sodir qilganligi aniqlangan.
Hozirgi kunda ushbu shaxsning boshqa xuddi shu turdagi fosh etilmasdan qolayotgan jinoyatlarga aloqadorligini aniqlash yuzasidan tezkor surishtiruv hamda tergov harakatlari olib borilmoqda.
