Buxoro xalq sovet respublikasi birinchi ichki ishlar noziri Muxtorjon Saidjonovning nevara jiyani Zelimxon Saidjonov bilan uchrashuv o‘tkazildi
IIV Buxoro akademik litseyida joylashgan “Jasorat” muzeyida o‘tkazilgan madaniy-maʼrifiy uchrashuvda Ichki ishlar boshqarmasi boshlig‘i o‘rinbosari, MMI va KBTX boshlig‘i podpolkovnik Akbar Yusupov, Buxoro Davlat universiteti huzuridagi Qatag‘on qurbonlari xotirasi muzeyi direktori dotsent Azalshoh Hamroyev, boshqarma shaxsiy tarkibi hamda litseyi o‘quvchilar ishtirok etishdi.
Uchrashuvda dastlab, O‘zbekiston Respublikasi Prezidentining 2023 yil 31 avgust kuni “Shahidlar xotirasi” xiyobonida berilgan konseptual fikrlar va topshiriqlar ijrosini taʼminlash maqsadida nohaq qatag‘onga uchragan Buxoro viloyati ichki ishlar organlari xodimlarining nomlarini tiklash va yosh avlodga yetkazish orqali ularni Vatanga sadoqat ruhida tarbiyalash borasida olib borilayotgan keng ko‘lamli ishlar maʼlumotlar berildi.
Tadbir mehmoni Buxoro xalq sovet respublikasi birinchi ichki ishlar noziri Muxtorjon Saidjonovning nevara jiyani Zelimxon Saidjonov Muxtorjon Saidjonovga tegishli bo‘lgan noyob hujjatlar va kitoblar to‘plamini tuhfa qilib, xodimlarga o‘sha davr xotiralari haqida maʼlumotlar berib o‘tdi.
Yakunda Zelimxon Saidjonovga Buxoro viloyati Ichki ishlar boshqarmasi boshlig‘ining tashakkurnomasi hamda esdalik sovg‘alari taqdim etildi.
