Buxoro viloyati huquqni muhofaza qiluvchi organlar xodimlarining hamkorlikdagi “Qidiruv” maxsus tezkor profilaktik tadbirlari davomida bir necha qidiruvdagi shaxslar ushlandi.

Bular:

Buxoro shahar: O‘zbekiston Respublikasi Jinoyat Kodeksining 168-moddasi 4-qismi “a” bandida ko‘rsatilgan jinoyatni sodir qilganligi uchun shahar IIO FMB tomonidan 2023-yil 19-iyul kunidan qidiruv eʼlon qilingan, shaharning Namozgoh ko‘chasida ro‘yxatda turuvchi 1989-yilda tug‘ilgan Sh.A. ismli shaxsning yashiringan manzili aniqlanib, ushlandi va O‘zbekiston Respublikasi IIV JIED 6-mintaqaviy hudud 4-son Tergov hibsxonasiga joylashtirildi.

Buxoro shahar: O‘zbekiston Respublikasi Jinoyat Kodeksining 184-moddasi 3-qismi, 189-moddasi 1-qismida ko‘rsatilgan jinoyatlarni sodir qilganligi uchun Buxoro viloyati prokuraturasi tomonidan 2023-yil 7-iyul kunidan qidiruv eʼlon qilingan, Toshkent viloyati Yangi yo‘l shahar Navro‘z ko‘chasida ro‘yxatda turuvchi, 1977-yilda tug‘ilgan A.A. ismli shaxsning Toshkent shahar Chilonzor tumanida yashiringan manzili aniqlanib, qo‘lga olindi va O‘zbekiston Respublikasi IIV JIED 6-mintaqaviy hudud 4-son Tergov hibsxonasiga joylashtirildi.

Buxoro shahar: O‘zbekiston Respublikasi Jinoyat Kodeksining 168-moddasi 4-qism “a” bandida ko‘rsatilgan jinoyatni sodir qilganligi uchun Buxoro shahar IIO FMB tomonidan 2023-yil 19-iyul kunidan qidiruv eʼlon qilingan Buxoro shahar Alpomish ko‘chasida ro‘yxatda turuvchi, 1975-yilda tug‘ilgan Sh.A. ismli shaxsning  Buxoro shahar hududida yashiringan manzili aniqlanib, ushlandi va O‘zbekiston Respublikasi IIV JIED 6-mintaqaviy hudud 4-son Tergov hibsxonasiga joylashtirildi.

Romitan tumani: O‘zbekiston Respublikasi Jinoyat Kodeksining 169-moddasi 2-qismi “b,v,g” bandlarida ko‘rsatilgan jinoyatlarni sodir etib, sud organidan yashirinib yurgani uchun Jinoyat ishlari bo‘yicha Romitan tuman sudi tomonidan 2023-yil 12-iyun kunidan qidiruv eʼlon qilingan, Peshku tumani “Quchoq” mahallasida yashovchi, 2004-yilda tug‘ilgan M.M. ismli shaxsning Rossiya Federatsiyasi hududida ekanligi aniqlanib, O‘zbekiston Respublikasiga ekstraditsiya qilinishi ta’minlandi va O‘zbekiston Respublikasi IIV JIED 6-mintaqaviy hudud 4-son Tergov hibsxonasiga joylashtirildi.

Jondor tumani: O‘zbekiston Respublikasi Jinoyat Kodeksining 169-moddasi 2-qismi “g” bandida ko‘rsatilgan jinoyatni sodir qilib, sud organidan yashiringanligi uchun, 2023-yil 25-may kunidan Jinoyat ishlari bo‘yicha Jondor tumani sudi tomonidan qidiruv eʼlon qilingan, Jondor tumani “Qazoqon” mahallasida ro‘yxatdan o‘tgan, 2006-yilda tug‘ilgan M.F. ismli shaxsning Surxondaryo viloyati Denov tumanida yashiringan manzili aniqlanib, ushlandi va Surxondaryo viloyati IIBga qarashli Vaqtincha saqlash hibsxonasiga joylashtirildi.

Qorako‘l tumani: O‘zbekiston Respublikasi Jinoyat Kodeksining 131-moddasi 4-qismi, 135-moddasi 3-qismi, 28 orqali 118-moddasi 4-qismida ko‘rsatilgan jinoyatlarni sodir etib, tergov organlaridan yashiringanligi uchun Buxoro viloyati IIB tomonidan 2023-yil 3-iyul kunidan qidiruv eʼlon qilingan, Qorako‘l tumani “Eski Qalʼa” mahallasida yashovchi, 1996-yilda tug‘ilgan Q.Sh. ismli ayolning Buxoro shahar hududidagi yashiringan manzili aniqlanib ushlandi va tergov harakatlarini davom ettirish uchun viloyat IIB huzuridagi TBga topshirildi. 

Qorako‘l tumani: O‘zbekiston Respublikasi Jinoyat Kodeksining 122-moddasi 1-qismida ko‘rsatilgan jinoyatni sodir etib, 2023-yil 15-iyun kunidan MIB Buxoro viloyat boshqarmasi qaroriga asosan qidiruv eʼlon qilingan, Qorako‘l tumani “Quyi Yangibozor” mahallasida ro‘yxatda turuvchi, 1986-yilda tug‘ilgan U.M. ismli shaxsning Buxoro shahar hududida yashiringan manzili aniqlanib, qo‘lga olindi va MIB Buxoro viloyat boshqarmasi surishtiruv bo‘limiga topshirildi.

Bu kabi tezkor profilaktik tadbirlar davom etmoqda.