Muhokamada boshqarma boshlig‘ining o‘rinbosarlari, tegishli sohaviy xizmatlar rahbarlari hamda shahar-tuman IIB boshliqlarining jamoat xavfsizligini taʼminlash bo‘yicha o‘rinbosarlari hamda boshqa mutaxassis xodimlar ishtirok etdi.

Dastlab, Yo‘l harakati xavfsizligi boshqarmasi boshlig‘i podpolkovnik Bekzod Ulug‘bekov, Buxoro viloyati hududidagi avtomobil yo‘llarida fuqarolar xavfsizligini ishonchli taʼminlash va har qanday turdagi yo‘l transport hodisalarini keskin kamaytirish, yo‘l infratuzilmasi hamda o‘tkazuvchanligini tubdan yaxshilash borasida 2025 yilda amalga oshirilishi lozim bo‘lgan chora-tadbirlarga oid ishlab chiqilgan yo‘l xaritasi yuzasidan axborot berdi.

Shuningdek, yo‘l-transport hodisalarining oldini olishda ichki ishlar organlarining boshqa sohaviy xizmatlari, taalluqli idora va tashkilotlar bilan hamkorlikda huquqbuzarliklarning subyekti bo‘lgan shaxslar bilan “fuqarobay”, “mahallabay” tizim hamda kvadrat usuli asosida keng jamoatchilik bilan hamkorlikda faoliyat olib borishning qonunda belgilab berilgan mexanizmlaridan unumli foydalanishning eng sodda tizimini ishlab chiqish borasida topshiriqlar berilib, ijrosi alohida nazoratga olindi.