Bugun, ichki ishlar organlari rahbarlari uchun Edo.ijro.uz va Doc.iiv.uz elektron platformalarida ishlash tartiblari bo‘yicha o‘quv seminar-trening tashkil etildi.

Ushbu tadbir elektron hujjat aylanishini takomillashtirish, hujjatlarni tezkorlik bilan aylantirish va ish yuritish samaradorligini oshirishga qaratilgan.

Seminar-treningning asosiy maqsadi ichki ishlar organlarida elektron platforma imkoniyatlaridan samarali foydalanish ko‘nikmalarini oshirish va ish jarayonlarida innovatsion yechimlarni joriy etishdan iborat bo‘ldi.

Jumladan, quyidagi yo‘nalishlarda ishlarni takomillashtirishga sabab bo‘ladi.

Edo.ijro.uz platformasi elektron hujjatlarni tayyorlash, yuborish va qabul qilish tartibi, ijro nazorati va avtomatlashtirilgan tizimdan foydalanish imkoniyatlarini keskin oshirsa, Doc.iiv.uz platformasi esa ichki ishlar organlariga tegishli hujjatlarni saqlash, ishlov berish va tizimli tahlil qilish imkoniyatlarini keskin yaxshilaydi.

Seminar davomida quyidagi masalalar muhokama qilindi:

Elektron hujjat aylanishining huquqiy asoslari;

Hujjatlar bilan ishlashda yuzaga kelishi mumkin bo‘lgan xatolarni bartaraf etish choralari;

Ijro nazoratini kuchaytirish va vaqtni tejash usullari;

Shuningdek, barcha ishtirokchilarga platformadagi amaliyotlar yuzasidan amaliy mashg‘ulotlar o‘tkazildi.

Seminar yakunida ishtirokchilarga elektron platformalardan to‘g‘ri va samarali foydalanish bo‘yicha yo‘riqnomalar taqdim etildi.

Ushbu o‘quv mashg‘uloti ichki ishlar organlarining zamonaviy texnologiyalardan samarali foydalanishdagi tajribasini yana-da oshirishga xizmat qiladi.

Bu kabi tadbirlarni muntazam o‘tkazish orqali elektron hujjat aylanishi tizimini yana-da rivojlantirish va samaradorlikni oshirishga erishish mumkin.