Ichki ishlar boshqarmasi boshlig‘ining birinchi o‘rinbosari polkovnik Bahodirxo‘ja Sharipov boshchiligida o‘tkazilgan yig‘ilishda boshqarma boshlig‘ining tegishli o‘rinbosarlari, sohaviy xizmatlar rahbarlari, kunlik tezkor-tergov guruhi aʼzolari, videokonferensaloqa tizimi orqali hududidiy ichki ishlar organlarining tezkor va tergov guruhiga, kunduzgi hamda tungi patrullik yo‘nalishlarida xizmatga jalb etilgan masʼul rahbarlar va shaxsiy tarkib ishtirok etdi.

Muhokamada:

-kundalik tushayotgan murojaatlar bilan ishlash;

-jinoyat va huquqbuzarliklarga oid ish yurituviga olingan hujjatlar yuzasidan belgilangan muddatlarda qonuniy qarorlar qabul qilishni taʼminlash;

-tezkor-tergov guruhiga jalb etilgan shaxsiy tarkibning sutkalik faoliyatini alohida nazorat qilish;

-kunduzgi hamda tungi patrullik yo‘nalishlarida xizmatga jalb etilgan xodimlarning xizmat faoliyatida natijadorlikka erishish;

-navbatchilik qismiga kelib tushayotgan har bir murojaat yuzasidan o‘z vaqtida hodisa sodir bo‘lgan joyiga yetib borish, murojaatlarni to‘la va tezkorlik bilan o‘rganib, tegishli tergovga qadar tekshiruv harakatlarini sifatli amalga oshirish;

Prezident archasi o‘rnatilgan yangi yil bayram tadbirlari o‘tkaziladigan joylarda xavfsizlik, yo‘l harakati hamda yong‘in xavfsizligi, shuningdek, jamoat tartibini saqlash masalalari ko‘rib chiqildi.

Muhokama qilingan har-bir masala yuzasidan sohaviy xizmatlar masʼullari, hududiy ichki ishlar organlari rahbarlariga zaruriy ko‘rsatma va topshiriqlar berildi.