Lavozimlar tarkibi: Safdorlar

Eʼlon berilgan sana: 26.01.2025

Bo‘sh ish o‘rinlar soni: 30 ta

Eʼlon tugash sanasi: 31.01.2025

Maʼlumoti bo‘yicha: Oliy taʼlim bakalavriat

Lavozimi: safdorlik

 Talab etilgan bo‘y: Erkaklar uchun: 170.0 sm va undan yuqori

Jins turi: Erkak

Yosh chegarasi: 18 yoshdan kichik bo‘lmagan 30 yoshdan katta bo‘lmagan

Nomzodlar bog‘lanishi uchun telefon raqamlar: +998 90 613 52 32, +998 91 401 41 19

Umumiy talablar:

- Sog‘lig‘ining holati va jismoniy tayyorgarligi bo‘yicha xodimning xizmat majburiyatlarini bajarishga qodir bo‘lgan O‘zbekiston Respublikasi fuqarolari;

- O‘zbekiston Respublikasi Qurolli Kuchlaridagi muddatli harbiy xizmat yoki safarbarlik chaqiruvi rezervidagi harbiy xizmatdan o‘tgan fuqarolar;

- Buxoro viloyatida doimiy yashash joyi bo‘yicha ro‘yxatga olingan fuqarolar.

Talab etiladigan imtiyozlar:

- Ilmiy daraja yoki ilmiy unvonga ega bo‘lgan fuqarolar;

- Oliy taʼlim muassasalarini imtiyozli diplom bilan tamomlagan fuqarolar;

- Sport musobaqalarining (Olimpiya sport turlari bo‘yicha Olimpiya va Osiyo o‘yinlari, jahon va Osiyo chempionatlarida oxirgi to‘rt yilda hamda respublika chempionatlarida oxirgi bir yilda g‘olib va sovrindor (1-3 o‘rin) individual turlarida g‘olib chiqqan fuqarolar;

- Talabalar, magistrlar yoki doktorantlar uchun O‘zbekiston Respublikasi Prezidentining davlat stipendiyasi sohibi bo‘lgan fuqarolar;

- Xizmat majburiyatlarini bajarish chog‘ida halok bo‘lgan ichki ishlar organlari xodimlari va harbiy xizmatchilarning farzandlari;

- IIV Akademik litseylar va harbiy-akademik litseylar bitiruvchilari, shuningdek, profilaktika inspektorining jamoat tartibini saqlash bo‘yicha yordamchilari.

Tanlov tadbirlari quyidagi bosqichlarni o‘z ichiga oladi:

1. Saralash bosqichi:

- Ro‘yxatdan o‘tish;

- Dastlabki o‘rganish;

- Intellektual rivojlanganlik darajasi va psixoemotsional  barqarorlikni baholash;

- Test sinovi (O‘zbekistonning eng yangi tarixi, huquqshunoslik va tarbiya fanlari bo‘yicha bilimlarni baholash);

- Jismoniy tayyorgarlik darajasini baholash (kuch ishlatish mashqi-to‘sinda (turnikda) tortilish, tezlikka oid mashq-100 metrga yugurish va chidamlilikka oid mashq-3000 metrga yugurish);

2. O‘rganish bosqichi:

- Nomzodlarni xizmatga yaroqlilik darajasini aniqlash maqsadida harbiy-tibbiy komissiya ko‘rigidan o‘tkazish;

- Nomzodlarni psixofiziologik (poligraf) tekshiruvdan o‘tkazish (Ichki ishlar organlarida xizmat qilish uchun to‘sqinlik qiladigan salbiy omillarni aniqlash maqsadida).

Lavozimning faoliyat yo‘nalishi va vazifalari: 

Jamoat tartibini saqlash va jamoat xavfsizligini ta'minlash, fuqarolarning huquq-erkinliklari, qonuniy manfaatlarini, jismoniy va yuridik shaxslarni mulkini, konstitutsiyaviy tuzumni himoya qilish, qonun ustuvorligini ta'minlash hamda huquqbuzarliklarning oldini olishdan iborat

Tanlovda ishtirok etmoqchi bo‘lgan fuqarolar 2025-yil 26-yanvardan kunidan 31 yanvar kuniga qadar kb.iiv.uz portal orqali ro‘yxatdan o‘tishlari talab etiladi.