Buxoro shahri: Velosiped o‘g‘risi qo‘lga olindi
2022 yil 23 noyabridan 24 noyabrga o‘tar kechasi nomaʼlum shaxs Buxoro shahar Havzi Bodom ko‘chasidagi uyda joylashgan velosiped do‘koniga kirish eshigini buzish yo‘li orqali g‘ayriqonuniy ravishda kirib, savdo do‘konidan bir dona bahosi 5.800.000 so‘mlik «AVALON» rusumli elektrovelosipedni o‘g‘irlab, voqea joyidan yashiringan.
Mazkur holat yuzasidan Buxoro shahar IIO FMB tomonidan nomaʼlum shaxsga nisbatan O‘zbekiston Respublikasi JK. ning 169-moddasi 2-qismi bilan jinoyat ishi qo‘zg‘atilib, olib borilgan tezkor-texnik va surishtiruv hamda tergov harakatlari davomida ushbu jinoyatni Buxoro shahar Olim Xo‘jayev mahallasida yashovchi, 1975 yilda tug‘ilgan X.A. sodir qilganligi aniqlandi.
Hozirgi kunda uning xuddi shu turdagi fosh etilmasdan qolayotgan jinoyatlarga aloqadorligini aniqlashga qaratilgan tezkor surishtiruv va tergov harakatlari davom ettirilmoqda
