Buxoroda avtomashina salonidan telefon hamda pullarni o‘margan ayol qo‘lga tushdi
2023 yilning 25 iyun kuni soat taxminan 15:30 larda nomaʼlum shaxs o‘zganing mol-mulkini yashirin ravishda talon-toroj qilish maqsadida, Buxoro shahar Haqiqat ko‘chasida qarovsiz, eshiklari ochiq holda qoldirilgan, shu mahallada yashovchi 1993 yilda tug‘ilgan A.A.ga tegishli bo‘lgan “Spark” rusumli avtomashinaning salonidan bahosi 1.100.000 so‘mlik “NOVEY A 80” rusumli telefon apparati, 200 AQSH dollari, 650.000 so‘m pul va bahosi 20.000 so‘mlik telefon quvvatlagichini o‘g‘irlab, hodisa joyidan yashiringan.
Mazkur holat yuzasidan Buxoro shahar IIO FMB tomonidan nomaʼlum shaxsga nisbatan O‘zbekiston Respublikasi JK.ning 169-moddasi 1-qismi bilan jinoyat ishi qo‘zg‘atilib, olib borilgan tezkor texnik va surishtiruv hamda tergov harakatlari davomida ushbu jinoyatni, Samarqand viloyati Oqdaryo tumanida yashovchi, 1990 yilda tug‘ilgan M.Z. ismli ayol sodir qilganligi aniqlangan.
Hozirgi kunda ushbu shaxsning viloyatimiz hamda respublikaning boshqa hududlarida sodir etilib fosh etilmasdan qolayotgan xuddi shu va boshqa turdagi jinoyatlarga aloqadorligini aniqlash yuzasidan tezkor surishtiruv hamda tergov harakatlari davom ettirilmoqda.
