5 Aprel 2023 yil
474
Qorako‘lda tovlamachi erkak ushlandi
Qorako‘l tumani Regihaydar mahallasida yashovchi, 1970 yilda tug‘ilgan S.N. 1984 yilda tug‘ilgan mahalladoshi B.J. ismli ayolning sir saqlanishi lozim bo‘lgan maʼlumotlarini ijtimoiy tarmoqlar orqali tarqatib yuborish bilan qo‘rqitib, 500 AQSH dollari talab qilgan.
Ushbu ayolning arizasi asosida Qorako‘l tumani IIB xodimlari tomonidan o‘tkazilgan tezkor tadbir davomida ushbu erkak tovlamachilik yo‘li bilan talab qilgan pullardan 200 AQSH dollarini olayotgan vaqtda ushlandi.
Mazkur holat yuzasidan O‘zbekiston Respublikasi JK.ning 165-moddasi 1-qismi bilan jinoyat ishi qo‘zg‘atilib, hozirgi kunda dastlabki tergov harakatlari olib borilmoqda.
