Xalq bilan muloqot qilish, yurtdoshlarimizni o‘ylantirayotgan, kezi kelganda qiynayotgan dardu muammolariga quloq tutish bugun davlat idoralari faoliyatining bosh mezoniga aylandi.

G‘ijduvon tumani IIB boshlig‘i 3-sektor rahbari, Azimjon Xoliqov boshchiligida tumanning “Olmazor” hamda “Qorabog‘” mahallalarida o‘tkazilgan sayyor qabullar ham murojaatlar yechimiga xizmat qilgani bilan ahamiyatli bo‘ldi.

Qabullarda turli ijtimoiy-iqtisodiy masalalar bo‘yicha fuqarolar tomonidan yo‘llangan murojaatlar birma-bir ko‘rib chiqildi.

Murojaatlarning aksariyati joyida bartaraf etilib, hududda “sohabay”, “mahallabay” va “fuqarobay” ish samaradorligini oshirish, aniqlangan ijtimoiy masalalarni bartaraf etish yuzasidan tegishli masʼullarga topshiriqlar berildi.

Qabullarda 3 ta fuqaroga subsidiya asosida tikuv mashinasi ajratilgan bo‘lsa, yana 3 nafar fuqaro imtiyozli kredit asosida mototsiklga ega bo‘ldi.

Shuningdek, davolanish uchun amaliy yordam so‘rab kelgan fuqarolarga bepul yo‘llanmalar taqdim etildi. 1 ta fuqaro doimiy ish bilan taʼminlandi.

Hududlardagi elektr hamda gaz taʼminotidagi uzilishlarni bartaraf etish bo‘yicha tegishli idoralar xodimlariga ko‘rsatmalar berildi.

Bu kabi sayyor qabullar viloyat 3 sektoriga qarashli barcha tumanlar, bundan tashqari shahar va tumanlarning 3 sektoriga qarashli mahallalarda tasdiqlangan grafik asosida davom etmoqda.