Shofirkon tumanida o‘zining yashashi uchun ijaraga olgan uyida fohishaxona tashkil qilgan ayol ushlandi
Shofirkon tumani “Dorigar” mahallasida doimiy ro‘yxatda turuvchi, vaqtincha tumanning “Mirzoqul” mahallasidagi xonadonda yashab kelayotgan 2000-yilda tug‘ilgan Sh.D. ismli ayol o‘zi ijarada turgan xonadonda fohishaxona tashkil qilib, begona shaxslarning jinsiy aloqa qilishlari uchun muayyan sharoit yaratib kelib, buning evaziga moddiy manfaat ko‘rib kelgan.
Jumladan, 2023-yil 18-may kuni soat 21:30 larda R.M. ismli ayolning N.S. ismli erkak bilan jinsiy aloqada bo‘lishi uchun 100 ming so‘m miqdoridagi pullarni olib, “mijozlarga” uyni bo‘shatib, barcha shart-sharoitlar yaratib berib, bu faoliyatdan daromad olib, fohishaxona tashkil etish va saqlash jinoyatini sodir qilgan.
Mazkur holat yuzasidan O‘zbekiston Respublikasi Jinoyat Kodeksining 131-moddasi 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
