Shofirkonda ham virtual o‘g‘irlik fosh etildi
Nomaʼlum shaxs o‘zganing mulkini yashirin ravishda talon-toroj qilish maqsadida shofirkonlik fuqaroning plastik kartasi hisobidan 1.720.000 so‘m miqdoridagi pul mablag‘lari yashirin ravishda talon-toroj qilib, jabrlanuvchiga moddiy zarar yetkazgan.
Mazkur holat yuzasidan Shofirkon tumani IIB tomonidan nomaʼlum shaxsga nisbatan O‘zbekiston Respublikasi Jinoyat Kodeksining 169-moddasi 3-qismi “a” bandi bilan qo‘zg‘atilgan jinoyat ishi bo‘yicha olib borilgan tezkor texnik, surishtiruv hamda tergov harakatlari davomida ushbu jinoyatni tumanning “Bog‘iafzal” mahallasida yashovchi, 2003-yilda tug‘ilgan I.U. ismli shaxs sodir qilganligi aniqlangan.
Hozirda ushbu shaxsning boshqa xuddi shu turdagi fosh etilmasdan qolayotgan jinoyatlarga aloqadorligini aniqlash yuzasidan tezkor surishtiruv hamda tergov harakatlari davom ettirilmoqda.
