Shofirkonlik og‘ufurush tezkor tadbir davomida ushlandi
Buxoro viloyati Ichki ishlar boshqarmasi JXX Jamoat tartibini saqlash boshqarmasi, PPX batalyoni xodimlari tomonidan berilgan maʼlumot asosida, 2023 yilning 28 iyul kuni soat taxminan 16:00 larda viloyat IIB JQB xodimlari tomonidan o‘tkazilgan tezkor tadbirda, Shofirkon tumani Denov mahallasida yashovchi, 1997 yilda tug‘ilgan R.Sh. tanishi U.Yu.ga(ayol) giyohvandlik vositalarini yetkazib berishni oldindan vaʼda qilib, o‘zida avvaldan bo‘lgan oq rangli qog‘oz bo‘lagiga o‘ralgan viloyat IIB EKB ning xulosasiga ko‘ra sof vazni 1,59 gramga teng bo‘lgan ozginadan ko‘proq miqdordagi “Marixuana” giyohvandlik vositasini Buxoro shahar Sheyxon ko‘chasida joylashgan “Karvon bozori”ning avtoturargohida 200.000 so‘mga pullayotgan vaqtida qo‘lga olindi.
Mazkur holat yuzasidan O‘zbekiston Respublikasi JK.ning 273-modda 2-qismi bilan jinoyat ishi qo‘zg‘atilib, hozirgi kunda dastlabki tergov harakatlari olib borilmoqda.
