O‘zbekiston Respublikasi Vazirlar Mahkamasining “Ichki ishlar organlari xodimlari va harbiy xizmatchilarining turar joy maishiy sharoitlarini yaxshilash chora-tadbirlari to‘g‘risida”gi tegishli qaroriga muvofiq hamda Ichki ishlar organlari xodimlari va harbiy xizmatchilarini ijtimoiy jihatdan qo‘llab-quvvatlash maqsadida uzoq muddatli ipoteka kreditlari orqali, davlat xususiy sherikchilik shartlari asosida investorlarni uy-joy qurilishi sohasiga keng jalb etish maqsadida Buxoro viloyati IIB 2022-2023 yillarda ko‘p qavatli uy-joylar qurish uchun tadbirkorlik subyektlarini tanlash yuzasidan o‘tkazilgan tender g‘oliblari aniqlandi.

Oferentlarning tijorat takliflarini solishtirish va o‘rganib chiqish natijasida mazkur tenderda ishtirok etgan “Shomurodjon” MCH J g‘olib deb topilganini ma'lum qilamiz.

Mazkur shartnomada profilaktika xizmat xonasi binosini investorga beg‘araz berish va snos qilish evaziga - 3 podyezdli uy-joyning birinchi qavati (noturar)dan 200 m2 profilaktika inspektori va MFY uchun IIB ixtiyoriga beg‘araz o‘tkazadi, qolgan qismi va yerto‘lasi investor ixtiyoriga qolishi ko‘rsatilgan.

Shuningdek, ushbu ko‘p qavatli uy-joylarni davlat xususiy sherikchilik shartlari asosida qurish istagini bildirgan investorlar barcha zaruriy loyiha oldi hujjatlari (APZ, geologiya, ekologiya xulosasi, loyiha smeta hujjatlari, davlat ekspertiza xulosasi, qurilish nazorat inspeksiyasi ruxsati va nazorati, mualliflik nazorati, texnik nazorat)ni rasmiylashtiradi va o‘z mablag‘lari hisobidan moliyalashtirishi belgilangan.